Maxfiylik siyosati

Oxirgi yangilanish: 2026-yil 14-avgust

Ushbu siyosat Avtodars Avtomaktab mobil ilovasi (keyingi o'rinlarda — «Ilova») foydalanuvchilarining shaxsiy ma'lumotlari qanday to'planishi, ishlatilishi va saqlanishini tushuntiradi.

1. Qanday ma'lumotlarni to'playmiz

Ilovadan foydalanish uchun quyidagi ma'lumotlar to'planadi:

• Telefon raqami — hisobingizni yaratish va tizimga kirish uchun. Bu asosiy identifikatoringiz.
• Ism va familiya — ro'yxatdan o'tishda kiritiladi, operator siz bilan bog'langanda ishlatiladi.
• Telegram hisobi ma'lumoti — tizimga kirish kodini yetkazish uchun Telegram chat identifikatori va (mavjud bo'lsa) foydalanuvchi nomi saqlanadi.
• Elektron pochta — ixtiyoriy, faqat muqobil kirish usuli sifatida.
• Ta'lim faoliyati — javoblaringiz, xatolaringiz, imtihon natijalari, saqlangan savollar va faollik kunlari. Bular taraqqiyotingizni ko'rsatish uchun ishlatiladi.
• Ilova sozlamalari — til va mavzu (dark/light) tanlovingiz.
• Avtomaktabga oid ma'lumotlar — ariza, tanlangan filial, to'lov holati va guruh biriktiruvi.
• Hudud — sizga eng yaqin hamkor avtomaktabni topish uchun ro'yxatdan o'tishda o'zingiz tanlaysiz. Bu ro'yxatdan tanlangan viloyat nomi, qurilmangizning joylashuvi emas.
• Joylashuv (xarita uchun) — filiallar xaritasini ochganingizda ilova joylashuvingizga ruxsat so'rashi mumkin. U faqat xaritani sizga yaqin joydan ochish uchun, qurilmangizning o'zida ishlatiladi: bizga yoki uchinchi shaxsga yuborilmaydi va hech qayerda saqlanmaydi. Ruxsat bermasangiz, xarita Toshkent markazidan ochiladi va boshqa hamma narsa avvalgidek ishlayveradi.
• IP manzil — avtomaktabga ariza qoldirganingizda so'rov yuborilgan tarmoq manzili yozib olinadi. Bu takroriy va soxta arizalardan himoya uchun ishlatiladi.
• Qurilma identifikatori — ilova yangilanishlarini yetkazish uchun har bir o'rnatishga beriladigan texnik identifikator. Reklama uchun ishlatilmaydi.
• Nosozlik hisobotlari — ilova ishdan chiqqanda xatolik hisoboti, qurilma modeli va operatsion tizim versiyasi avtomatik yuboriladi.

2. Ma'lumotlarni nima uchun ishlatamiz

• Hisobingizni yaratish va tizimga kirishingizni ta'minlash.
• Ta'lim materiallarini va shaxsiy taraqqiyotingizni ko'rsatish.
• Avtomaktabga yozilish jarayonini yuritish — operator siz bilan bog'lanishi, filial biriktirilishi va to'lov holati.
• Ilova ishidagi nosozliklarni aniqlash va bartaraf etish.

Ma'lumotlaringiz reklama maqsadida ishlatilmaydi va uchinchi shaxslarga sotilmaydi.

3. Ma'lumotlar kimga oshkor qilinadi

Shaxsiy ma'lumotlaringiz uchinchi shaxslarga faqat quyidagi hollarda oshkor qilinadi:

• Telegram — kirish kodini yetkazish uchun. Bunda Telegram'ning o'z maxfiylik siyosati amal qiladi.
• Elektron pochta xizmati — agar siz pochta orqali kirishni tanlasangiz, kod yetkazish uchun.
• Google (Firebase Crashlytics) — ilovadagi nosozliklar hisobotlari uchun: xatolik matni, qurilma modeli, operatsion tizim va ilova versiyasi yuboriladi. Ismingiz, telefon raqamingiz va o'quv ma'lumotlaringiz yuborilmaydi.
• Hamkor avtomaktablar va Avtodars operatorlari — ariza qoldirganingizda ismingiz va telefon raqamingiz sizga qo'ng'iroq qilish va o'qishga yozish uchun beriladi.
• Guruhdoshlaringiz — avtomaktab guruhiga biriktirilsangiz, ismingiz va imtihon natijalaringiz guruh ro'yxati va reyting sahifasida guruh a'zolariga ko'rinadi. Telefon raqamingiz ko'rsatilmaydi.
• Qonun talabi bilan — O'zbekiston Respublikasi qonunchiligida nazarda tutilgan hollarda.

4. Ma'lumotlar qayerda saqlanadi

Asosiy ma'lumotlar Avtodars Avtomaktabga tegishli serverda saqlanadi va shifrlangan ulanish (HTTPS) orqali uzatiladi. Kirish kodlari ochiq ko'rinishda saqlanmaydi. Nosozlik hisobotlari Google Firebase serverlarida saqlanadi.

5. Ma'lumotlar qancha saqlanadi

Hisobingiz mavjud bo'lgunicha saqlanadi. Kirish kodlari qisqa muddatdan keyin avtomatik o'chiriladi.

6. Sizning huquqlaringiz

• Ma'lumotlaringiz nusxasini so'rash.
• Noto'g'ri ma'lumotlarni tuzatishni talab qilish.
• Hisobingizni o'chirish. Qanday qilish kerakligi Hisobni o'chirish sahifasida tushuntirilgan. Hisob o'chirilganda unga bog'liq ta'lim ma'lumotlari ham o'chiriladi.

7. Bolalar

Ilova haydovchilik guvohnomasiga tayyorlanayotgan shaxslar uchun mo'ljallangan. Biz 14 yoshgacha bo'lgan bolalardan ataylab ma'lumot to'plamaymiz.

8. O'zgarishlar

Ushbu siyosat yangilanishi mumkin. Muhim o'zgarishlar bo'lganda ilovada xabar beriladi va yuqoridagi sana yangilanadi.

9. Bog'lanish

Savollar bo'yicha: support@autodars.uz